هتكلم شويه عن ال CAM او ال Content Addressable Memory

هو عبارة عن نوع من انواع ال memory وبيتقال عليه هو ال opposite لل RAM اللى كلنا عارفنها طب ليه بيتقال عليه انه عكس ال RAM ?

فى ال RAM ال o.s اما بي access او ي run اى data بيروح يقول لل RAM انا عايز اعمل access على الaddress اللى عندك رقم 10000 مثلا ( دا للتوضيح ) هاتيلى ال data اللى جواه انا محتاجها .... طب يعنى كدا ال o.s لازم يكون حافظ الaddress بتاع ال data اللى هو محتاجها ( حافظ مش فاهم ) لا ومش كفايه انه حافظ وجاى على نفسه لا دا ال RAM هتتدلع عليه وتقوم رايحة ماسكة كل ال addresses اللى عندها لحد ما ربنا يسهلها وتلاقى ال address اللى هو 10000 دا وبعد كدا تروح توديهوله .... حاجة ممله

ال CAM بقى بيشتغل ازاى ؟؟
ال o.s بيقول لل CAM  انا عايز ال data المعينة دى وانا مش حافظ ال address اللى هى متخزنة فيه عندك فى ال Memory هيقوم ال CAM قايله ولا يهمك انا بحب اللى قدامى يكون فاهم مش حافظ زى ال RAM ويقوم ال CAM بعمل search عنده فى ال data اللى متخزنة عنده ويقول لل o.s خد العناوين اهى و العمليه بتاعة الsearch دى بتبقى بسرعة جدا جدا مش زى ال RAM لذلك بيتقال بنفس الجملة كدا CAM searches the entire memory in one operation يعنى فى خطوة واحدة مش هيتدلع وينزل ل عنوان عنوان ويشوفه هو ولا لا


  طب ما كان يتم استخدامه بقى فى ال PCs بدلا من ال RAM .....قالك بقى ان ال CAMs are very expensive بس واحنا بنذاكر ال CCNP-SWITCH قرينا ان ال SWITCHES بتستخدم ال CAM اشمعنى مش غالى عليهم وغالى على ال PCs هنا بقى اقولك ال SWITCHES مش بتستخدم ال CAM بصورة تامه لا هى بتستخدم احد انواع ال CAM اللى هو Binary CAM ودا هو هواه ال CAM نفس الطريقة بس بيتعامل بال 0 & 1 وشوية حاجات كدا اقل منه بس بنفس ال mechanism

فال switches اما بت learn ال MAC وال interface اللى هتروحله من خلاله وتعمل assign لل vlan بتاعته هتخزن الحاجات دى فى ال CAM table بحيث بعد كدا يستخدم محتويات ال table دا فى انه ي forward ال frame .... معنى كدا ان ال CAM table دا هيبقى مكون من 3 columns لل MAC وال INT وال VLAN


عشان العملية توضح شويه هنتخيل ال switch شغال بال RAM ونفترض المعلومات اللى بيتعلمها بيحطها فى حاجة اسمها RAM table طب اشطة .. ال ram هتخزن المعلومات دى عندها فى address او مكان معين وهتقول لل ios بتاع ال switch احفظ بقى ان عنوان الحاجة دى فى رقم كذا وهكذا ... اما تيجى frame لل SW فهيكون بقى مطلوب منه انه يكون حافظ ال destination mac دا متخزن معلوماته فى ال ram فى ال address كذا وتقوم رايحة ال RAM تدور واحدة واحدة على ال address دا لحد ما تلاقيه


لكن فى ال CAM على طول ال switch هيبعت لل CAM انا عايز اودى ال frame اللى جايالى دى لل MAC دا فال CAM من خلال ONLY ONE OPERATION هيقله طلعها من ال interface الفلانى




ارجو انكم تكونوا استفدتوا من الموضوع ....